50 mínútur sem geta breytt restinni af deginum.

Hvað myndi gerast ef þú gæfir þér 50 mínútur í miðjum degi til að hægja á þér, anda og leyfa líkamanum að hvílast?

Í Hádegisslökun sameinum við Restorative Yoga, Yoga Nidra og öndunaræfingar í rólegri og nærandi iðkun sem styður við taugakerfið og hjálpar líkama og huga að endurheimta jafnvægi.

Með stuðningi frá bolstrum, teppum og öðrum stoðtækjum getur líkaminn slakað djúpt á án áreynslu. Markmiðið er ekki að teygja meira eða gera erfiðari æfingar heldur að skapa aðstæður þar sem líkaminn fær tækifæri til að hvílast, endurnærast og safna nýrri orku.

Margir finna eftir tímann fyrir minni spennu í líkamanum, dýpri öndun, meiri skýrleika og aukinni orku það sem eftir er dags.

Þú þarft enga fyrri reynslu af jóga. Námskeiðið hentar öllum sem vilja draga úr álagi, róa hugann og gefa sér stund til endurheimtar í annasömum degi.

Námskeiðsupplýsingar

Lengd: 4 vikur
Dagsetningar: 26. ágúst – 16. september 2026
Tími: Mánudagar og miðvikudagar kl. 12:00–12:50
Kennari: Bríet Birgisdóttir
Verð: 22.900 kr.

Stundum þarf ekki nema 50 mínútur til að breyta því hvernig restin af deginum verður.