Við höldum reglulega jóganámskeið á vorin á eyjunni Krít. Við erum í litla sjávarþorpinu Sfakia sem er á suðurhluta eyjunnar en þar er að finna dásamlega jógaaðstöðu sem hentar þeirri iðkun sem við viljum bjóða upp á. Jóganámskeið á krít er fullkomið til að hlúa að sjálfum sér með jóga, göngum, heilnæmum mat í góðum félagsskap. Hér er lífið einfalt og svo ótrúlega fallegt og rólegt í litla þorpinu. Námskeiðið er 8 dagar þar sem við stundum jóga og hugleiðslu.  Við kennum Hatha jóga þar sem morgunntíminn er til að koma líkamanum í gang en seinni tíminn er slökun (Restorative/Nidra). Kennslan fer framm í Yoga on Crete sem býður upp á fullkomna aðstöðu til jógaiðkunnar. Flestir tímarnir eru kenndir út undir ólivutrjám en einnig er aðstaða inni ef þarf. Það er nægur tími til að skoða sig um, fara í fjallgöngu eða á ströndina á hverjum degi. Þátttakendur sjá sjálfir um að koma sér á staðinn.