Velkomin til okkar í salinn í Faxafeni – rólegt og nærandi rými tileinkað jóga og vellíðan.
Salurinn var opnaður í september 2025 og er sérhannaður með þarfir Iyengar yoga í huga, þar sem áhersla er lögð á nákvæmni, stuðning og aðgengi fyrir alla iðkendur. Rýmið býður upp á aðstæður sem styðja við djúpa iðkun og örugga framvindu í jóga.
Eigandi er Bríet Birgisdóttir, jógakennari með víðtæka menntun, þekkingu og reynslu á sviði heilsu og hreyfingar.
Við sérhæfum okkur í að kenna bæði Iyengar yoga og Hatha yoga, með áherslu á líkamsvitund, styrk og jafnvægi. Einnig höfum við mikla reynslu í Restorative yoga, þar sem markmiðið er að skapa djúpa slökun og endurnæringu fyrir líkama og huga.
Markmið okkar er að skapa hlýlegt og öruggt umhverfi þar sem hver og einn fær að þróa sína iðkun á eigin forsendum – hvort sem markmiðið er aukin hreyfigeta, minni streita eða meiri tenging við sjálfan sig.
Orðið Asana kemur úr sanskrít og þýðir að finna sér þægilegt sæti, eða að sitja vel í sér. Það endurspeglar kjarna jógaiðkunarinnar – að kyrra hugann og skapa rými þar sem við getum dvalið vel í okkur sjálfum. Í iðkun Iyengar yoga er lögð sérstök áhersla á stöðugleika og þægindi í hverri stöðu, þannig að líkami og hugur fá tækifæri til að róast og samræmast.
Við bjóðum upp á sérsniðna þjónustu fyrir bæði einstaklinga og fyrirtæki.
Fyrir einstaklinga getum við aðlagað jógatíma að þínum þörfum, hvort sem þú ert að stíga þín fyrstu skref í jóga eða vilt dýpka iðkun þína með markvissri leiðsögn. Við leggjum áherslu á persónulega nálgun þar sem tekið er mið af líkama, líðan og markmiðum hvers og eins.
Fyrir fyrirtæki bjóðum við upp á jógatíma, slökun og fræðslu sem styður við vellíðan starfsfólks. Slíkir tímar geta hjálpað til við að draga úr streitu, auka einbeitingu og skapa betra jafnvægi í daglegu starfi.
Við getum komið til ykkar eða tekið á móti hópum í salnum okkar í Faxafeni.
Hafðu samband ef þú vilt fá nánari upplýsingar eða ræða hvaða leið hentar þér eða þínum hópi best.
.
