Inn í kyrrðina – Restorative jóga og djúpslökun

Hvað er Restorative jóga?
Restorative jóga (endurnærandi jóga) er mild og róandi jógaiðkun sem miðar að því að endurheimta jafnvægi í líkama og huga. Restorative jóga snýst ekki um að teygja eða styrkja heldur að slaka djúpt á, virkja sef taugakerfið (parasympatíska taugakerfið) og skapa innri frið og endurheimt.

Að gefa líkamanum tækifæri til að hvílast og jafna sig — bæði líkamlega og andlega. Þetta er eins og að “endurstilla” taugakerfið.

 Jógastöðurnar
Í hverjum tíma eru fáar stöður framkvæmdar – yfirleitt 4–6.
Allar stöðurnar eru hvílandi og passívar, og hverri þeirra er haldið í 5–20 mínútur.

Líkaminn er vel studdur með teppum, bólstrum, beltum, stólum og kubbum, svo hann geti slakað alveg á án þess að halda spennu.
Kennarar (oftast tveir) aðstoða þig við að koma þér fyrir, og stundum eru notaðir þungir sandpokar til að dýpka hvíldina og auka jarðtengingu.

 Andardráttur og ró
Lögð er áhersla á djúpan, náttúrulegan andardrátt.
Stundum er notuð leiðsögn í öndun, líkamsvitund eða hugleiðslu til að dýpka slökunina.

 Minnkar streitu og kvíða
 Hjálpar við svefnvanda og ofálag
 Bætir meltinguna
 Eykur vellíðan og ró í líkamanum
 Styrkir ónæmiskerfið

 Restorative jóga er eins konar innri næring — tími til að gera ekkert, jafna sig og slaka djúpt á.

Kennarar eru Bríet Birgisdóttir og Unnur Einarsdóttir – báðar með langa reynslu við að kenna jóga.

(mynd frá Svejar Yoga).